കേരളത്തിലെ 6 റെയിൽവേ സ്റ്റേഷനുകൾ ലോകോത്തര നിലവാരത്തിലേക്ക്, ജൂലൈ 17ന് പ്രധാനമന്ത്രി രാജ്യത്തിന് സമർപ്പിക്കും

വികസനക്കുതിപ്പിന് വീണ്ടും മോദി മുദ്ര; കേരളത്തിലെ 6 റെയിൽവേ സ്റ്റേഷനുകൾ ലോകോത്തര നിലവാരത്തിലേക്ക്, ജൂലൈ 17ന് പ്രധാനമന്ത്രി രാജ്യത്തിന് സമർപ്പിക്കും.. 

Six railway stations in Kerala to be upgraded to world-class standards; Prime Minister to dedicate them to the nation on July 17.

केरल के छह रेलवे स्टेशनों को विश्व-स्तरीय मानकों के अनुरूप अपग्रेड किया जाएगा; प्रधानमंत्री 17 जुलाई को इन्हें राष्ट्र को समर्पित करेंगे।

ന്യൂഡൽഹി: കേരളത്തിന്റെ റെയിൽവേ വികസന ചരിത്രത്തിൽ പുതിയ അധ്യായമെഴുതി കേന്ദ്ര സർക്കാർ. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള കേന്ദ്ര സർക്കാരിന്റെ അമൃത് ഭാരത് സ്റ്റേഷൻ പദ്ധതി പ്രകാരം അത്യാധുനിക സൗകര്യങ്ങളോടെ നവീകരിച്ച കേരളത്തിലെ ആറ് പ്രധാന റെയിൽവേ സ്റ്റേഷനുകൾ ജൂലൈ 17ന് പ്രധാനമന്ത്രി നരേന്ദ്ര മോദി രാജ്യത്തിന് സമർപ്പിക്കും. യാത്രക്കാരുടെ സൗകര്യങ്ങൾ വർധിപ്പിക്കുന്നതോടൊപ്പം റെയിൽവേ സ്റ്റേഷനുകളെ പ്രാദേശിക പൈതൃകവും ആധുനിക സാങ്കേതികവിദ്യയും സമന്വയിപ്പിച്ച ജനസൗഹൃദ കേന്ദ്രങ്ങളാക്കി മാറ്റുക എന്നതാണ് പദ്ധതിയുടെ ലക്ഷ്യം.

കേരളത്തിലെ തിരൂർ (26.55 കോടി), തലശ്ശേരി (22.32 കോടി), നിലമ്പൂർ റോഡ് (16.44 കോടി), പരപ്പനങ്ങാടി (14.21 കോടി), ചാലക്കുടി (9.94 കോടി), അങ്കമാലി (9.28 കോടി) എന്നീ സ്റ്റേഷനുകളാണ് ഈ ഘട്ടത്തിൽ നവീകരിച്ച് യാത്രക്കാർക്കായി തുറന്നുകൊടുക്കുന്നത്.

ലോകോത്തര സൗകര്യങ്ങളുമായി പുതിയ മുഖച്ഛായ പുതിയ ലിഫ്റ്റുകൾ, എസ്‌കലേറ്ററുകൾ, വിശാലമായ കാത്തിരിപ്പ് കേന്ദ്രങ്ങൾ, ആധുനിക ബുക്കിംഗ് ഓഫീസുകൾ, ഡിജിറ്റൽ വിവരസൗകര്യങ്ങൾ, മികച്ച ലൈറ്റിംഗ് സംവിധാനം, ആധുനിക ശുചിമുറികൾ, വിപുലീകരിച്ച പ്ലാറ്റ്‌ഫോമുകൾ,  മേൽക്കൂരകൾ, മെച്ചപ്പെട്ട പ്രവേശന കവാടങ്ങൾ എന്നിവ സ്റ്റേഷനുകളുടെ ഭാഗമാക്കിയിട്ടുണ്ട്. ഭിന്നശേഷിക്കാർക്ക് എളുപ്പത്തിൽ ഉപയോഗിക്കാവുന്ന റാംപുകൾ, ടാക്റ്റൈൽ പാതകൾ, പ്രത്യേക ശുചിമുറികൾ തുടങ്ങിയ സൗകര്യങ്ങളും സൗകര്യങ്ങളും ഒരുക്കിയിട്ടുണ്ട്.

പ്രാദേശിക സംസ്കാരവും വികസനവും കൈകോർക്കുന്ന മാതൃക സ്റ്റേഷനുകളുടെ രൂപകൽപ്പനയിൽ അതത് പ്രദേശങ്ങളുടെ വാസ്തുശൈലിക്കും സാംസ്കാരിക പൈതൃകത്തിനും പ്രത്യേക പ്രാധാന്യം നൽകിയിട്ടുണ്ട്. അതിനാൽ റെയിൽവേ സ്റ്റേഷനുകൾ ഇനി യാത്രാ കേന്ദ്രങ്ങൾ മാത്രമല്ല, പ്രദേശത്തിന്റെ വ്യക്തിത്വം പ്രതിഫലിപ്പിക്കുന്ന പൊതുഇടങ്ങളായും മാറും. പരിസ്ഥിതി സൗഹൃദ സംവിധാനങ്ങൾ, മികച്ച ലാൻഡ്‌സ്‌കേപ്പിംഗ്, സൗരോർജ ഉപയോഗം തുടങ്ങിയവയും പദ്ധതിയുടെ ഭാഗമാണ് കേരളത്തിലെ റെയിൽവേ വികസനത്തിന് കേന്ദ്രത്തിന്റെ വലിയ നിക്ഷേപം രാജ്യത്തെ ചെറുതും വലുതുമായ 1,300-ലധികം റെയിൽവേ സ്റ്റേഷനുകളെ ഘട്ടംഘട്ടമായി ലോകോത്തര നിലവാരത്തിലേക്ക് ഉയർത്തുക എന്ന ലക്ഷ്യത്തോടെയാണ് അമൃത് ഭാരത് സ്റ്റേഷൻ പദ്ധതി നടപ്പാക്കുന്നത്.

കേരളത്തിലും കഴിഞ്ഞ ഏതാനും വർഷങ്ങളായി റെയിൽവേ വികസനത്തിന് കേന്ദ്ര സർക്കാർ വൻതോതിൽ സാമ്പത്തിക സഹായം അനുവദിച്ചിട്ടുണ്ട്. സ്റ്റേഷൻ നവീകരണത്തിനൊപ്പം ട്രാക്ക് വികസനം, വൈദ്യുതീകരണം, സുരക്ഷാ സംവിധാനങ്ങൾ, യാത്രാ സൗകര്യങ്ങൾ എന്നിവയിലും വലിയ മാറ്റങ്ങളാണ് നടപ്പിലാക്കുന്നത്. സാധാരണക്കാരന്റെ യാത്ര ഇനി കൂടുതൽ സുഗമം പ്രതിദിനം ആയിരക്കണക്കിന് യാത്രക്കാർ ഉപയോഗിക്കുന്ന ഈ സ്റ്റേഷനുകളുടെ നവീകരണം യാത്രയെ കൂടുതൽ സുരക്ഷിതവും സൗകര്യപ്രദവും ആക്കുമെന്ന് റെയിൽവേ അധികൃതർ വ്യക്തമാക്കുന്നു.

ഭിന്നശേഷിക്കാർക്കും മുതിർന്ന പൗരൻമാർക്കും ആവശ്യമായ സൗകര്യങ്ങൾ എന്നിവ പുതിയ സ്റ്റേഷനുകളുടെ പ്രധാന പ്രത്യേകതകളാണ് അമൃത് ഭാരത് സ്റ്റേഷൻ പദ്ധതിയുടെ ഭാഗമായി കേരളത്തിൽ പൂർത്തിയായ ഈ ആറ് സ്റ്റേഷനുകളുടെ സമർപ്പണം സംസ്ഥാനത്തിന്റെ റെയിൽവേ അടിസ്ഥാന സൗകര്യ വികസനത്തിൽ സുപ്രധാന നാഴികക്കല്ലായി മാറുകയാണ്.

രാജ്യത്തിന്റെ വികസന കാഴ്ചപ്പാടിനൊപ്പം കേരളത്തെയും കൂടുതൽ ആധുനിക അടിസ്ഥാന സൗകര്യങ്ങളിലേക്ക് നയിക്കുന്ന കേന്ദ്ര സർക്കാരിന്റെ പ്രതിബദ്ധതയുടെ തെളിവാണ് ഈ പദ്ധതി